July 28: Ki pulit ka Tura kin ujor sa kawei ka ejahar ha kaba iadei bad ka POCSO pyrshah ia u MDC ka BJP u Bernard N Marak (Rimpu) hadien ba iwei na ki 5 ngut ki khynnah iba la shah pyllait im na ka Farmhouse ha ka sngi thohdieng jong ka taiew bala dep, la shem ba kala shah leh be-ijot.
“Katkum ka medical report jong kawei ka khynnah kaba la shah pyllait im, la shem ba kala shah leh be-ijot. Kumta ngin sa ujor sa kawei ka ejahar hapoh ka ain POCSO ” la ong u SP Vivekanand Singh Rathore.
Katei ka khynnah kadei kaba donlang bad ki 4 ngut kiwei pat ki khynnah ia kaba la pyllait iaki da ki pukit na kawei ka kamra ia kaba kila shah set ka bym long ban shong ban sah.
Ha ka jingkhynra kynsan ki pulit iaka farmhouse la kem ia ki 73 ngut ki briew bad la ioh kurup iaka kyiad bad 500 tylli ki Condom.
