Nongpoh, Jymmang 15: Ki paidbah Nongshongshnong ka shnong Paham-Mawlein, 20 Mer, Ri-Bhoi District hynnin ka sngi U Bleik kila lap ia kawei ka metiap kaba la sah satang ka shynrong met harud jong ka Wah ba don markhmat bad ka Shnong.
Ki riew paidbah kila pyntip mar mar ia kane ka jingjia sha ki Pulit ka Byrnihat Outpost, kiba la leit khar ia kane ka shynrong na ka bynta ban pynlong ia ka jingtohkit.
U Superintendent of Police ka Ri-Bhoi u pyntip ba ia kane ka jingjia la pyntip da u Rangbah Shnong ka Paham-Mawlein Bah Khurgun Sylliang, uba la iathuh ba ki paidbah kila lap ia kane ka shynrong metiap ha ka por 10 baje mynstep.
Ki Pulit haba ioh jingtip ia kane, kila leit mar mar sha katei ka jaka ban shimti ia kane ka metiap bad la pynkit noh ia ka sha Civil Hospital, Nongpoh ban pyndep ia ka post mortem.
Haduh mynta ym pat lah satia ban ithuh la katei ka metiap ka dei jong u shynrang ne ka kynthei hynrei la suba jur ba kane ka jingiap ka dei kaba la slem kat kum ki dak ki shin kiba paw.
