Nongpoh, Nailur 05 : Kawei ka Longkmie, u Kpa bad ka Khun kila lait salit na ka jingma jingmynsaw na ka jingtwa khyndew kaba jia ha ka miet sngi Balang ha ka shnong Shangbangla, kaba don harud ka surok NH-06, Ri-Bhoi District.
Ha kane ka jingtwa, ka khyndew bad ki dieng ki siej kila leit ban ban ia ka dukan bad ka Iing kaba shong ba sah da kane ka Longiing.
Kat kum ka khubor Pulit, kane ka jingjia kala jia hynnin ka miet por 8 baje eiei hadien ka jingther u slap uba la neh kumba 3 kynta eiei.
Kane ka Longiing ka dei jong u Bah Teiborlang Wahlang. Kane ka Longiing kala duh lut ia ki jingdon jingem kynthup ki tiar ki tar Iing, ki jingthung jingtep bad kiwei kiwei ki mar ba die ha katei ka dukan.
U Rangbah Shnong ka Shangbangla bah Bishos Lawriniang ula iathuh ba ki don kumba 20 tylli ki Longiing kiba don hapdeng ka jingma ha Shangbangla, na ka jingtwa khyndew harud ka surok bah.
Ula kyrpad ia ki bor Sorkar ban thaw ia ki lad ki lynti ban ai jingiada noh ia kine ki longiing khnang ba kin lait na kino kino ki jingjia kiba sngewsih.
