Aizawl, Iaiong 20 :San ngut ki koidi kiba dei tynrai na Myanmar, kaba kynthup ia uwei u nongpyniap briew ki la lait phet napoh ka phatok na Lunglei District ka Mizoram kaba la pynlong ia ki bor pahara ba kin pynlong ka jingthwet kaba jur.
Katkum ki khubor pulit la ong ba kine ki koidi ki la lait phet na katei ka phatok ha ka por kumba 2 baje mynstep da kaba pynpra ia ka bynta jong ka kynroh hapoh ka painkhana.
Na ka liang u superintendent ka phatok u la ong ba kine ki koidi ki dang don ha ka ward kaba ki shah set haduh ka por 1:30 mynstep, kata ha ka por ba ki bor pahara ki dang don ha kane ka jaka.Baroh ki don 40 ngut ki koidi hapoh kane ka ward hadien ba kitei ki koidi kila ioh ban phet krad noh.
Ia kine ki koidi kiba la lait phet ki dei kiba la tip kyrteng kum u Lalchawimawia, 24 na Tahan, Myanmar uba la donkti ha kaba pyniap ia kawei ka briew ha u snem 2021, u Lalbawihliana, 27, Dokapthanga, 26 kiba dei na Zokhawthar, u Haudeuhchhin, 25na Tlangnuam Champhai bad u Vanneihthanga, 38 snem rta uba dei na Leisen, Myanmar.
Na ka liang ka tnat pulit ka la thaw ia ka kynhun kaba kyrpang na ka bynta ban pynlong ka jingbehthong ia kine ki koidi kiba la lait phet.
