Tura, Nailar 29: Lai ngut napdeng ki saw ngut ki nongbylla Garo na Assam la pyntip ba ki la jah ha Nepal hadien ka jingshlei um, hynrei la pynthikna pat ba ki lait im, kaba la wanrah jingsuk ïa ki ba ha ïing ha sem jong ki, watla ka jingbym thikna ka dang sah na ka bynta u ba saw.
Kitei ki nongbylla sngi ki kynthup — u Birson Sangma, u Elphi Sangma, u Selba Marak bad u Sarbeson Marak — ki dei kiba trei ha kawei ka hydro project power house kaba don ha Trisul, Nepal.Ki bahaïing jong ki ki la duh ban ia kren bad ki hadien ka jingshlei um, ha kaba ki mobile phone jong ki la switched off.
Kitei ki nongbylla ki dei ki nongshong shnong jong ka shnong East Bhellapara kaba hap hapoh ka Satgaon Parish ha Karbi Anglong, Assam.U Birson Sangma bad u Elphi Sangma ki dei shipara.
Ka jingkyrpat ka long ban jingtip shaphang ka jaka sah jongki ba kham mynshwa ia kaba la pynmih da u Fr Albert Thyrniang uba dei u Migrant Coordinator jong ka ING Migrant Desk bad ka Satgaon Parish Migrant Desk.
Hadien ka jingpyrshang ban wad ia ki, mynta la pynthikna ba lai ngut ki nongtrei ki lait im.Hynrei u nongbylla uba saw u dang jah, ha kaba ki bor pyniaid jong ka projek hydro ki la pynbna paidbah ba u la jah.
Ki longïing bad ki kynhun ba kyrshan ïa ki nongbylla ki dang ïai bteng ban buddien ïa ka jinglong jingman.
