Shillong, Iaiong 08: Ka tnat India Meteorological Department (IMD) Shillong, ha ka sngi Ba-ar, ka la pynmih ia ka Yellow Alert ia baroh ki district ka jylla Meghalaya ba ka lah ban don ka jingpom pyrthat bad ka leilieh ryngkat u slap uba jur ha ki katto katne ki jaka naduh ka 8 tarik u Risaw haduh ka 12 tarik Iaiong.
Ka jingmaham naka IMD ka ong ba baroh 12 tylli ki district ba kynthup ia ka East Khasi Hills, West Garo Hills bad kiwei ki lah ban mad ia ka jinglong ka suin bneng kaba ym shngain ha baroh shitaiew.
Watla ka jingmaham naka IMD ka kynthup ïa ka Jylla baroh kawei hynrei la pynleit jingmut kyrpang ïa ka East Khasi Hills bad West Garo Hills ha kaba la antad ba kine artylli ki District ki lah ban mad iaka jingpom pyrthat kaba jur ryngkat bad ka lapbah uba jur.
“Ka jingpom pyrthat, ka eriong bad u slap ka lah ban don manla ka sngi ha ki katto katne ki jaka ha kylleng ka Jylla bad katto katne ki distrik la khmih lynti ba kin ïoh ïa u slap uba jur” ong ka khubor.
Ka IMD ka la kdew ruh ba ka jingjur jong u slap ka lah ban long naduh 64.5 mm haduh palat 115.5 mm ha ki katto katne ki jaka, khamtam ha ka 9 bad 10 tarik Iaiong.
Ka map ka pyni baka sngi ba lai (10 tarik) bad sngi ba san (12 tarik) kin dei ki sngi ban jur bha ka jingkylla ka suin bneng.
La kyntu ïa ki nongshong shnong kiba don ha ki jaka kiba don jingma khamtam ha East Khasi Hills kaba kynthup ïa ka nongbah jong ka Jylla Shillong bad West Garo Hills ba kin long kiba husiar bha.
La kyntu iaki bor synshar shnong ba ki lah ban shim ia ki lad jingiada ban pynthikna ia ka jingshngain jong ki paidbah.
Ka IMD ka la ai jingmut ban pyntip lyngba ka ‘Mausam’ Mobile App’ lane ki lad ba thikna na ka bynta ki jingkheiñ bad jingpynbna ha ka por ba dei.
 Shillong, ha ka sngi Ba-ar, ka la pynmih ia ka Yellow Alert ia baroh ki district ka jylla Meghalaya ba ka lah ban don ka jingpom pyrthat bad ka leilieh ryngkat u slap uba jur ha ki katto katne ki jaka naduh ka 8 tarik u Risaw haduh ka 12 tarik Iaiong.){kind=link}