Lah ban jah ki MLA ka Congress ka Jylla ban thep vote ha ka elekshon President ka Ri

Date:

Share post:

Shillong, Jylliew 21: Katto katne na ki MLA ka Congress ba shah sospon ki lah ban jah bad nym iashimbynta satia ha ka jingiathep vote ban jied ia u President ba thymmai jong ka Ri, ka ban long ha ka 18 tarik u Naitung.

Kat kum ka tyllong khubor, kine ki 5 ngut ki MLA ki lah ban nym iashimbynta satia bad ong “Kim pat shim rai satia ia kane hynrei ki lah ban jah ha ka sngi thep vote”.

Ka khubor ka ong ba ia ka rai ba khatduh yn sa shim ruh kat kum ka jingiarai lang jong ka kynhun Meghalaya Democratic Alliance (MDA) ba ialam da ka National Peoples Party (NPP) ba iano kan ai ka jingkyrshan ha kane ka elekshon President.

Kine ki san ngut ki MLA ka Congress ba shah sospon kata I kong  Ampareen Lyngdoh (East Shillong), Mayralborn Syiem (Nongpoh), Mohendro Rapsang (West Shillong), PT Sawkmie (Mawlai) bad Bah Kimfa S Marbaniang (Rambrai-Jyrngam) – ki dei kiba kyrshan ia ka Sorkar MDA.

Ka khubor ka ong ba ka daw ba hakhmat eh halor kane ka rai ba lah ban jah ha ka jingiathep vote ka dei namar ka jingpynslem jong ka Sorkar NDA ba ialam da ka BJP ban pyntreikam ia ka Inner Line Permit (ILP) ha ka Jylla. Kiwei pat ki kam ki kynthup ia ka jingiapynbeit pud bad kiwei kiwei.

U President ba mynta ka Ri u Ram Nath Govind un hap ban hiar noh na ka shuki President ha ka 24 tarik u Naitung bad kat kum ka Riti Synshar ka RI, ka RI ka dei ban thung ia u President ba thymmai hadien ba kut ka samoi treikam jong une u President ba mynta.

Ka Election Commission of India ka ban pyniaid ia ka elekshon President, kala buh ia ka 18 tarik Naitung kum ka sngi thep vote bad ka jingniew ia ki vote pat kan long ha ka 21 tarik Naitung.

Share post:

spot_img
spot_img

Popular

More like this
Related

Shah pynngat haduh 23 ngut ki Pulit hapoh ka NDPS Act ba donkti khaii droks

Kohima, Nailur 28 : Ki pulit ka Nagaland kila...

HNLC Vice Chairman resigns; peace process will be under new VP Teimiki Laloo

Shillong, Sep 28: Manbhalang Jyrwa Vice Chairman of the Hynñiewtrep...

Ai jingbit ka NCISM ia ka UTSM ban plie ia ka Ayurvedic Medical College

Nongpoh, Nailur 28: Ka National Commission for Indian System...

Hiar jurip u CEM sha Barapathar ba wan pynthut ki nong Assam ia ka skhim JJM

Nongpoh, Nailur 28 : U Chief Executive Member (CEM)...