Shillong, Lber 18: Ka tnad Home (Political) ka sorkar Meghalaya kala pynmih ia ka jingpynbna ba kala weng noh ia ka jingkhang ia ka kor Internet ne Mobile Internet Data ha ka rilum Garo.
Katkum ka jingpynbna paitbah kaba la pynmih hynne ka sngi Balang, u Principal Secretary ka tnad Home (Political) u Bah FR Kharkongor, ula pyntip ba ka jingpynbna paitbah kaba la pynmih ha ka 11 tarik u Lber na ka bynta ka West Garo Hills, East Garo Hills, South Garo Hills, North Garo Hills bad South West Garo Hills kadei kaba la pynduh pyndam noh.
Kumban shu pynkynmaw ka Tnad Home (Political) ha ka 11 tarik u Lber kala pynmih ia ka jingpynbna ba kala khang ia ka jingpyndonkam ia ka kor internet lyngba ka Mobile Internet Data jong baroh ki Mobile Service Providers da ka jingthmu ban tehlakam ia ka jingpynsaphriang ia ki khubor thok bad lamler kiba lah ban pynthud bad ktah jur ia ka shongsuk shongsain ha ki 5 tylli ki district jongka rilum Garo.
 ka sorkar Meghalaya kala pynmih ia ka jingpynbna ba kala weng noh ia ka jingkhang ia ka kor Internet ne Mobile Internet Data ha ka rilum Garo.){kind=link}