Dibrugarh, Iaiong11: Ki pulit ka Punjab ki la wanlam noh ia u Papalpreet Singh, uba dei u paralok ba iajan jong u heh nongialam ka kynhun iakhih laitluid ‘Waris Punjab De’ u Amritpal Singh shapoh Dibrugarh Central jail hapdeng ka jingpyrkhing pahara.
Katkum ki khubor, ia u Papalpreet Singh uba dei u paralok ba iajan jong u nongialam ba phetrieh ka Khalistan u Amritpal Singh la wan synran napoh ka kad liengsuin ha Amritsar da ki pulit ka Punjab hynne ka step.
Kham hashwa phra ngut ki dkhot ka kynhun ‘Waris Punjab De’ ki la shah pynkynriah sha Dibrugarh ha kaba la set ia ki hapoh Central jail.
Ka kynhun ki nongsaid ain na ka Shiromani Gurdwara Parbandhak Committee (SGPC) ki la wan poi ha Dibrugarh, Assam hynnin ka sngi Nyngkong na ka bynta ban iarap ia kito ki samla kiba dei na Punjab kiba la shah kem bad shah set phatok hapoh ki kyndon ka National Security Act (NSA).
