Nongpoh, Iaiong 11 : Ki Pulit ka Ri-Bhoi District hynne ka step sngi Ba-ar kila ioh kem ia arngut ki briew kiba donkti ha ka kam khaii ganja katba ki dang kit ia une u jingdih buaid na Silchar ban pynpoi sha Guwahati.
Kat kum ka khubor Pulit, halor ka jingioh khubor syntiat ba arngut ki briew kin wan kit ia u droks na Silchar sha Guwahati ha kawei k abos tourist, ka kynhun ANTF na Ri-Bhoi kala pynap shrip bad ha ka por 8: 30 baje mynstep, kila ioh bat ia kane ka bos AS24-C-9855.
Ha ka jingdon lang ki nongsakhi shimet, ka kynhun kala khynra ha kane ka bos bad kila ioh ban kurup haduh hynniew song ka song ba thep ia u ganja na ki arngut ki briew kiba kyrteng u Rohit Raj Pandey ba 22 snem uba dei na Patna, Bihar bad u Bipul Kumar uba dei na Patna, Bihar.
Ha ka jingthew ia une u mar la shem ba u don haduh 8.6 kilo bad ha ka jingleh test la pynthikna ba u dei u ganja.
Nalor une u mar, ka kynhun kala ioh ban kurup ia artylli ki mobile phone. Ki Pulit kila register case pyrshah ia kine ki briew hapoh ka kyndon jong ka NDPS Act. Ka jingtohkit mynta ka dang iaid shakhmat.
