Shillong, Naitung 28 : U Lat ba thymmai ka Meghalaya Chandrashekhar H Vijayashankar un sa bam smai ha ka sngi Ba-ar ban shimti ia ka shuki ha Raj Bhavan.
U Vijayashankar un bujli ia u Lat ba mynta u Phagu Chauhan.
Kat kum ka khubor, u Myntri Rangbah ka Jylla Conrad K Sangma ula pynduna noh ia ki sngi ha ka jingleit jong u sha Delhi ban iakynduh ia ki Myntri bapher bapher ka Sorkar Pdeng, ban donlang ha ka jingbam smai u Lat ka thymmai.
U Vijayashankar ula shah thung kum u Lat ka Jylla Meghalaya ha ka miet sngi Saitjain ha ka President ka Ri India.
Ka President kala pynbna ruh ia ka jingbujli kam ia ki Lat ka Jylla ha ki 9 tylli ki Jylla bad Union Territories kynthup ha Meghalaya. Kine ki long:-
1. Haribhau Kisanrao Bagde kum u Lat ka Rajasthan.
2. Jishnu Dev Varma kum u Lat ka Telangana.
3. Om Prakash Mathur kum u Lat ka Sikkim.
4. Santosh Kumar Gangwar kum u Lat ka Jharkhand.
5. Ramen Deka kum u Lat ka Chhattisgarh.
6. C H Vijayashankar kum u Lat ka Meghalaya.
7. C.P. Radhakrishnan, Lat ka Jharkhand uba khmih lang ia ka Telangana, ula shah thung kum u Lat ka Maharashtra.
8. Gulab Chand Kataria, Lat ka Assam, ula shah thung kum u Lat ka Punjab bad ruh kum u Administrator ka Chandigarh.
9. Lakshman Prasad Acharya, Lat ka Sikkim, ula shah thung kum u Lat ka Assam bad ioh khmih lang ruh kum u Lat ka Manipur.
