Shillong, K’Lyngkot 29: Ka Meghalaya EMRI Worker’s Union (MEMRIWU) hynne ka sngi Nyngkong, kala dawa iaka Sorkar Jylla ba dei ban pyniaid hi noh ia ki kali 108 hapoh ka Jylla lyngba ka tnat ka koit ka khiah.
Ka MEMRIWU kala pynsngew ia kane ka jingdawa haka jingiakynduh iaka Myntri ka tnat ka koit ka khiah ka Kong Ampareen Lyngdoh ha Secretariat.
Haba kren sha ki lad pathai khubor, u President ka MEMRIWU Bah Roipar Kharaswai ula kam baka Sorkar Jylla lyngba ka tnat ka koit ka khiah kala biang ban shimti bad pyniaid hi noh iaki kali 108 hapoh ka Jylla.
Ula iathuh ba ka jingialang bad ka Myntri ka tnat ka koit ka khiah, kam dei satia kaba seisoh bad ula pynpaw ia ka jingsngewsih ba haduh mynta ka sorkar kam pat lah ban pynbeit ia kane ka kam nalor kiwei kiwei ki mat jingdawa.
“Kala don palat shisnem tam ba ka Company ba pyniaid iaki kali 108 kala mih, ka Sorkar kala pan por 3 bnai ban pyntyllun iaki kam hynrei haduh mynta ka Sorkar kam shym la lah ban shim iaki sienjam kiba biang” ong u Bah Roipar.
U Bah Roipar ula ong baka MEMRIWU ka ieng skhem haka nongrim ban dawa baka Sorkar kadei ban pyniaid hi noh iaki kali 108 namar mynta la palat shi snem shiteng la pyntyllun iaki daka Sorkar naduh ki jinglut jingep.
Ula ong baka Sorkar kala dei ban pyniaid hi noh iaki kali 108 ym ban shu shaniah ha kiwei ki tnat treikam kumba long baroh shi katta.
Nalor kane ka MEMRIWU kala pynsngew ruh shaka Myntri ia kiwei pat ki mat jingdawa ba kynthup ia ka jingkyntiew tulop, pynkiew jingsiew man u snem, kiwei ki jingsiew kum ka bai wai ing nalor kiwei kiwei.
 hynne ka sngi Nyngkong, kala dawa iaka Sorkar Jylla ba dei ban pyniaid hi noh ia ki kali 108 hapoh ka Jylla lyngba ka tnat ka koit ka khiah.){kind=link}