Imphal, Jylliew 16 : U Myntri Khynnah ka Sorkar Pdeng RK Ranjan Singh, uba la mad ia ka jingshah wiang ding ka iingsah hynnin ka miet sngi Palei ha Kongba, Imphal, ula ong ba ula kyndit ban tip ia kane ka jingjia haba pynpaw ruh ba ka shongsuk shongsain kam don shuh hapoh ka Jylla.
Haba iakren bad ki nongthoh khubor, u RK Ranjan Singh ula ong “Nga da kyndit. Ka jinglong jingman bad ka shongsuk shongsain kam don shuh ha Manipur”.
Ula ong ba wat ki kali pynlip ding kim shym la iohlad ban rung sha ka iingsah jong u namar ka jingpakhang lynti da ki briew.
Ha ka por ba jia kane ka jingjia, u Ranjan Singh bad ki bahaiing hasem kim shym la don satia hala ka jong ka Iingsah.
Hadien, ki bor pahara lem bad ki kali pynlip ding kila lah ban tem ia kading bad iada ia ka iing u Myntri na ka jingkylla dpei.
Kane kala wan jia tang hadien shisngi ba shah wiang ding ka Iingsah u Myntri ka Sorkar Manipur u nemcha Kipgen, kaba don ha sor Imphal.
Pule lang ia kane: Pyntip u CM bala sdang ka jingkhynra ia ki runar ba hiar thma ha Khamenlok
