La ioh pyllait im ia 7 na ki 19 ngut ki nongbylla ka Assam ki ba jah rngai ha Arunachal

Date:

Share post:

Guwahati, Naitung 23: Ia ki hynniew napdeng ki 19 ngut ki nongtrei bylla na Assam ki ba jah rngai ha Arunachal Pradesh la ioh ban pyllait im na ka jaka khlaw ba rben ha Arunachal Pradesh, ong ka khubor heh sorkar hynne ka sngi Saitjain.

Na ka liang u Deputy Commissioner ka Kurung Kumey, u Nighee Bengia u la ong ba ka jingwad ia kiwei pat ki ba dang jah rngai ka dang iaid shakhmat. “Tad haduh ka por 12:30 am, la ioh ban pyllait im ia ki 7 ngut ki nongbylla ki ba jah rngai ki ba ladon hapdeng ka jingtlot jingswai,” ong u Bengia lyngba ka lad pathai khubor.

U la ong ruh ba ia kine ki briew la ai ia ka bam ka dih ha ryngkat ki dawai dashin.Ia kine ki briew la pynshong shipor hapoh ka ktem jong ka BRO.
Katkum ki khubor la ong ba la lapdien ia kine ki nongbylla da ki trai shnong naduh hynnin ka sngi na ki bynta ba shapoh jong ka khlaw ba rben, kata ka ba ha ka jingjngai ka ba 20-25 km na Huri ka ba hapoh Kurung Kumey district.
Kane ka jinglapdien ia kine ki nongbylla ka la wan long ruh hadien ba ka ki liengsuin helicopter ka Indian Air Force (IAF) ruh mynta ka sngi Saitjain kin sdang ban pynlong ka jingleit wad ia kine ki briew ki ba jah rngai ha khappud ka India-China hapoh Arunachal Pradesh.

Na ka liang u symbud nongialam ka Congress ka Lok Sabha u Gaurav Gogoi, u la kyntu ia u Myntri Iada ri, u Rajnath Singh ba un phah da ki bor shipai ban lapdien ia kitei ki briew ki ba jah rngai.

U Bengia Nighee kham hashwa u la ong da ka ba pynsngap ia ka jingkyrpad jong ki bor district, kumta ruh ka tnat IAF lyngba ki liengsuin helicopter kan pynlong ia kane ka jingwad ha ki bynta jong ka wah Kumey ka ba don ha ki bynta jong ka thain Damin.
“Ka kynhun ki heh sorkar, ka ba kynthup ia ki heh pulit bad heh sorkar ruh ki la leit sha katei ka jaka naduh kine ki ar sngi ba la dep.Kane ka thain ka dei ka ba pajih bha bad ka ba dap da ki khlaw ki btap,” ong shuh shuh u Nighee.

Share post:

spot_img

Popular

More like this
Related

Iasoi MoU ka Sorkar ban seng ia ka Green Skill Academy ki samla ha Shillong

Shillong, Rymphang 28 : Ka Sorkar Meghalaya hynne ka...

Pan jingmut ka BJP na u paidbah ban pynkhreh ia ka Manifesto elekshon Lok Sabha

Shillong, Rymphang 28 : Kum shibynta jong ka ‘Viskit...

Megh Govt inks MoU to set up India’s second Green Skills Academy for youth in Shillong

Shillong, Feb 28: Making a major move to empower the...

Manipur : Pyndem suloi ki Pulit Commando ka Manipur ha Imphal

Imphal, Rymphang 28: Ka kynhun ki Pulit Commando ka...