Shillong, Nohprah 16 : U Symbud Myntri Rangbah ki kam Pohiing (Police) Bah Prestone Tynsong ha ka sngi Nyngkong, ula pynpaw ia ka jingkyrshan kaba pura ia ka sienjam jong ka Sorkar Pdeng ban wanrah ia ka “One Nation, One Election”.
Kane ka sienjam ka Sorkar Pdeng ka thmu ban pynlong ha kajuh ka por ia ka elekshon Lok Sabha bad ka Assembly, bad yn pynbud da ki Municipal Election bad Panchayat kaban long hapoh ka 100 sngi.
Kane ka jingtyrwa, kaba la mynjur da ka Kynhun Myntri ka Sorkar Pdeng ha ka taiew bala lah, ka dei kaba la pynshong nongrim halor ka jingai jingmut jong ka High-Lvel Committee ba ialam da u President barim ka Ri Ram Nath Kovind, kaba la dep ban aiti ia ka kaiphod kaba bniah bha halor kane ka kam.
Haba pynpaw ia ka jingpyrkhat jong u halor kane ka kam, u Bah Prestone, uba dei u State President ka National People’s Party (NPP) ula ong “Nga tharai ngan nym jubab na ka bynta ka party. Ha ka jingsngew jong nga shimet, nga kwah ban iohi ia ka eleshon ba kan long tang shisien, ym arsien ne laisien, la ka dei ka MP lane ka MLA namar lada phi khein ia ka jingbam ia ka por na ka jingtreikam ka Model Code of Conduct, kala long shaba palat”.
“Kumta, lada ngi don tang kawei ka elekshon, ngin iohi ba ngi la tyngkai ia sibun ka por lehse ka lah ban long ar bnai ne lai bnai. Phi tip hi ba ka Model Code of Conduct ka treikam duna eh haduh 45 sngi. Lada ngi don artylli ki elekshon ka mut 45+45 sngi ka mut ngi lah duh treikam, kumta nga kwah ban don noh ia kawei ka Ri kawei ka elekshon” ula ong.
 Bah Prestone Tynsong ha ka sngi Nyngkong, ula pynpaw ia ka jingkyrshan kaba pura ia ka sienjam jong ka Sorkar Pdeng ban wanrah ia ka “One Nation, One Election”.){kind=link}