Shillong, Nohprah 01 : Ka synjuk ki Rangbah Shnong, Seng Kynthei bad ki Sengbhalang ka Ri-lum Khasi-Jaintia bad Garo hapoh ka lama Meghalata Indigenous Tribe Constitutional Rights Movement (MITCRM), kala kyrpad ia ka jingtuklar jong ka President ka ri India Droupadi Murmu ban weng noh mardor ia u Prof PS Shukla kum u Vice Chancellor ka North Eastern Hill University (NEHU).
Haba phah ia ka shithi sha ka Murmu kaba dei ruh ka Visitor ka NEHU, ka MITCRM kala pyntip ba kala shim rai ha ka 14 tarik Naiwieng, ba kan ieng ha syndah jong ki samla pule ba iakhih bad ki nongtrei ka NEHU bad kyrshan ia baroh ki mat jingiakhih na ka bynta ka bha ka miat jong kane ka skulbah, ka Jylla bad ka thain Shatei Lam Mihngi baroh kawei.
“Haba peit ia ka jinglong mynthi jong une u VC bad jingbym khein snep ia ki samla pule ba iakhih, ka MITCRM kala pynbna ia u Prof Prabha Shankar Shukla, Vice Chancellor ka NEHU kum u briew bym lah ban iapdiang bad ka synjuk ka rai ban khang syndon ia ka jingwan jong une u briew hapoh ka Jylla Meghalaya” kala ong.
“Ka MITCRM kala iakren sani bha ha baroh ki liang halor ka jingleh jong u Vice Chancellor kaba dawa ban dei ban weng noh mardor ia u. Ngi kyntu ia phi ban tuklar lem halor kane ka kam shuwa ba kiei kiei ki nang sniew” ong ka MITCRM ha ka shithi.
, kala kyrpad ia ka jingtuklar jong ka President ka ri India Droupadi Murmu ban weng noh mardor ia u Prof PS Shukla kum u Vice Chancellor ka North Eastern Hill University (NEHU).){kind=link}