Shillong, Naitung 06 : U Myntri Rangbah ka Jylla Conrad K Sangma ha ka sngi Palei, ula pyntip ba ula iakren bad u Myntri korbar Ri Rajnath Singh ban aiti noh ia ki jaka ka Contonment (shipai) sha ka Jylla bad ka kam mynta kala iaid shakhmat.
Haba iakren bad ki nongthoh khubor, u Conrad ula ong ba ki don arbynta ki jaka ka Contonment, kawei ka dei ka military zone bad kawei ka Civil Zone.
“ka jingiakren kala iaid bad ka Sorkar India ban aiti noh ia ki jaka ba hap hapoh ka Civil Zone jong ka Contonment Board sha ka Municipal Board. Ka kam ka dang sdang iaid mynta bad ngi khmih lynti ia u soh ba thiang na ka Sorkar India” ula ong.
U Myntri Rangbah ula ong “Shu khein antad, ka don kumba 40 acre ka jaka ba hap ha ka Civil Zone. Ka jingdon jaka jong ka Contonment ka long kumba 400 acre hynrei ka Military Zone ka dei kaba bun eh hynrei nga lah ban bakla ia u nombor…ka lah ban long 200 lane 400 hynrei 10% n aka, ka dei ka Civil Zone”.
Haba kylli, u Conrad ula ong “Kan shong baroh ba kumno ka Rule ka ong, kam dei satia halor kaei kaba nga kwah lane mano ba kwah, ka shong baroh ha ka Rule bad shong ruh ha ka Sorkar India bad ka Defence Ministry ba kin rai”.
