spot_img

Kyrpad ki Bishops ka NE India ban wanrah jingsuk noh ha Jylla Manipur

Date:

Share post:

Guwahati, Jymmang 05 : Namar ka jingnang jur bad saphriang ka jingiaumsnam hapdeng ki paid riewlum hapoh ka Jylla Manipur, ki Bishop Catholic ka North East India kila kyrpad ia ki kynhun mamla ba kin jai jai noh bad wanrah biang ia ka jingsuk hapohka Jylla.

Haba kren na ka bynta ka North East India Regional Bishop’s Coucil (NEIRBC), u Archbishop John Moolachira ka Guwahati, ula ong ba ki dur bad ki video na Imphal, ka Nongbah jong ka Jylla bad ha kylleng ki jaka ka Jylla bala pynsaphriang ha ki social media ka long kaba sngewsih bad kaba ishyrkhei.

“Ka jingiaumsnam kam dei satia ka lynti ia kano kano ka jingpynbeit ban neh shirta. Ka jingiaumsnam kan wanrah ia ka jingiaumsnam bad kan ieh sohkhliang ha ka jingmut jingpyrkhat jong ki paidbah. Ka thain Shatei Lam Mihngi ka dei kaba phet bha bad ka Ri baroh kawei ka khmih sha ngi namar ka jingjai jai, ka burom ka akor bad ka jingriewspah ha ka riti dustur. Hynrei kaei kaba jia ha Manipur naduh ka sngi Balang ka long kaba sngewsih bad kaba pynsheptieng” ong ka kyrwoh na u President ka NEIRBC.

Kane ka jingkyrpad kala mih shisngi hadien ki jingjia wiangding, ki jingiaumsnam bad ki huri hura ha kylleng ki jaka kynthup ha Imphal, Bishnupur bad Morey, namar ka jingiasngewthuh bakla hapdeng ki ar liang mamla halor ka jingdawa ithuh kum ki Scheduled Tribe ka Jylla.

“Ka Manipur ka dei ka Jylla kaba itynnad ha kaba ki Jaidbynriew bapher bapher kila ia imlang hapdeng ka jingsuk la bun spah snem. Ngim dei ban ailad ia kane ka jingiasuk iasainban shah pynthut noh tangda ka jingiasngewthuh bakla kiba la mih na ki hamsaia” ong ka kyrwoh.

Ka Sorkar Jylla kala pynjari da ka korphiw bad khang ia ka kor internet naduh mynshimiet ban tehlakam ia ka jingia umsnam. Ka Sorkar kala ai hukum ruh ia ki District Magistrate ban siat naphang ha ki khep bym lah tehlakam shuh.

“Ka long kaba sngewsih bad ka bym sngew iahap ba tang namar ka kam ai jingithuh ST la pynman pat sha ka kam niam da kaba thang ia kiba bun ki Iingmane. Ka jingiap ki briew bad ka jingpynjulor ia ki Nongkynti ki nongshongshnong kala buh ia kiba bun ki jingim ha ka lawei kaba dum bad ba pangmet. Ngi kyrpad ia baroh ha Manipur ban ialong jai jai noh bad ban im biang kumba ju ialong baroh shikatta” ong ka kyrwoh.

Share post:

spot_img
spot_img

Popular

More like this
Related

CBI arrests ex-PNB manager, businessman in bribery case across Assam and Nagaland

Guwahati, June 7: The Central Bureau of Investigation (CBI)...

Assam | Kem ka CBI ia u Manager barim ka PNB bad nongkhaii ba ban pisa ha Assam bad Nagaland

Guwahati, Jylliew 7: Ka Central Bureau of Investigation (CBI)...

Ban pynkhlain ia ka NPP ha Ri-lum Khasi | Thung u Bah Prestone ia 2 ngut ki MLA kum ki nongaibuit

Shillong, Jylliew 06 : U President ka National People’s...

‘Assam-Meghalaya area of difference’: Dhar review inclusion of Baikam village

Jowai, June 6: Meghalaya Deputy Chief Minister and Chairman...