Guwahati, Jymmang 5: Ki Pulit ka Assam, kila siat na kjat ia u Anan Tanti, u Nongleh beijot bad nongpyniap ia ka Khynnah 12 snem katba u dang pyrshang ban phet krad ha ka jingtwet jong ki Pulit.
Ia une u briew la wanrah noh sha Margherita Civil Hospital ban sumar bad ki Doktor kila phah rah ia u sha Assam Medical College bad Hospital ha Dibrugarh ba un ioh ia ka jingsumar ba paka.
Ki Pulit ka Tinsukia kila ioh kem ia u Anan Tanti hadien ka jingthwet kaba jur bha, kaba la jia hadien ka jinglap ia ka metiap jong ka Khynnah ba u leh beijot bad pyniap, n aka septic tank ha Jayanagar, Margherita.
U Anan Tanti ula phet rieh ialade ha ka thain Deomali kaba don ha khappud ka Assam bad Arunachal Pradesh.
Pule lang ia kane: Pynmih ka Sorkar ia ka Helpline Number ia ki samla ba pule ha Manipur
Kumban shu pynkynmaw, kane ka Khynnah kala leit peitkai ia ka jinglehkmen Bihu ha ka 30 tarik Iaiong hynrei namar ka jingslem ban kut kane ka jingleh kmen, kala leit sahkai ha ka Iing u Anan Tanti, ka Longiing kaba ia ithuh ithaw bha.
Hynrei ha ka janmiet sngi Balang ki Pulit ka Margherita kila lap ia ka metiap jong kane ka Khynnah na septic tank. Ka kynnoh ba u Anan Tanti ula leh beijot ia kane ka khynnah bad hadien ula pyniap shuwa ban bret ia ka met ha septic tank.
Ia ka jingdonkti u Anan Tanti la lap da ka jingphla jong ka kurim kaba la kem da ki Pulit halor ka jinglap ia katei ka metiap.
Kane ka jingjia kala mih pyrthei hadien ba ki bahaiing hasem kane ka Khynnah kila leit ujor sha ki Pulit ba ka Khun kala jah rngai. Ki Pulit kila pynlong ia ka jingtohkit kaba jur, kaba lam sha ka jingiap ia ka metiap n aka septic tank jong u Anan Tanti.
Hynnin ka step sngi Palei, ki paidbah kila khang lynti da ki kynta ia ka National Highway haba dawa ban rai pyniap ia une u briew.
Pule lang ia kane: Byrngem sdang iakhih ka VPP hadien ka jingpynshai paidbah halor ka Reservation Policy
