Shillong Naiwieng 07: Ka Sorkar Jylla hynne ka sngi Thohdieng, kala kyrpad ia ka Meghalaya Commercial Truck Owners and Drivers Association (MCTODA) ban weng noh ia ka jingiakhih jongki bad ban wan sha ka miej jingiakren halor ki mat jingdawa jong ki.
Ïa kane la kyntu da u Symbud Myntri Rangbah uba khmih iaka tnad kam pohiing (Police) u Bah Prestone Tynsong bad ula ong ba ka Sorkar kala khot ia ka jingialang ba la pyniaid da u Symbud Myntri Rangbah ka Jylla u Bah Sniawbhalang Dhar bad ka MCTODA ban ia kren halor kane ka kam.
“Na ka liang ka Sorkar ngi la kyrpad ïa ki ban weng noh ïa ka jingiakhih bad ha ka jaka ban iakhih kan bha eh ba phin wan sha ka miej ban ïakren” la ong u Bah Prestone.
U Bah Prestone ula ong ba ka Sorkar ka dang ap ia ka rai jong ka MCTODA ha kaba ia dei bad ka jingweng noh ia ka jingiakhih.
Haba kylli halor ka jingshah kem ki nongialam ka MCTODA, u Symbud Myntri Rangbah u la ong ba ka aiñ kan leh ia kaba donkam.
“Kata kein kaba nga ong, nyngkong eh ngin kyrpad ia ki ban pynsangeh noh ia ka jingïakhih bad ban pynthikna ba ka jingleit jingwan jong ki kali kan iaid beit iaid ryntih kumba ju long” ula ong.
 ban weng noh ia ka jingiakhih jongki bad ban wan sha ka miej jingiakren halor ki mat jingdawa jong ki.){kind=link}