Kyrpad ka KJDSTA ia ka Sorkar ban pyllait ia ki Nonghikai skul Deficit na ka MEG

Shillong, Jylliew 06 : Ka Khasi Jaintia Deficit School Teachers Association (KJDSTA) kala kyrpad ia ka Sorkar Jylla ban pyllait noh ia ki nonghikai jong ki skul deficit bala don lypa na ka jingtyrwa ban pyntreikam ia ka Meghalaya Education Grant (MEG).

Haba iakren bad ki nongthoh khubor hadien ka jingialang, ka President ka KJDSTA kong AM Lyngdoh kala pyntip ba ia ki jingai jingmut jong ka Association la dep ban aiti sha ka tnad Pule Puthi haba iadei bad ka MEG, ha ka jingialang iamir jingmut bala pynlong da u Commissioner & Secretary ka tnad Pule Puthi bad ki Nonghikai skul Deficit hynne ka sngi Thohdieng.

“Ngi kwah ba ka Sorkar kan ai ia ki jingkular ia ngi ki nonghikai skul Deficit bad lada pyntreikam ia ka MEG, ka jingai song pisa ia ki nonghikai Deficit ka dei ban dang bteng. La kular ia ngi ba ki nonghikai skul Deficit ba mynta kin lait noh na ka MEG” kala bynrap.

Kat kum ka jingong jong ka, ka kam jong ki nonghikai skul Deficit kin nym don shuh shisien ba nang iaid ka jingia shong thait ki nonghikai na ka kam.

Haba kylli, ka kong Lyngwa kala ong “Kum ka Association, ngi kwah ba ka Dificit system kan nang iai bteng. Hynrei, ka (Sorkar) kala wnarah ia ka jingtyrwa ban pynduh noh ia ka Deficit system, kaba lah ban dei kaba bha hadien habud”.

“Ka jingthmu jong ka Sorkar ka long ban pynduna ia ka jingbun kyrdan ki nonghikai skul bad ban wanrah ia ki hapoh kawei ka shatei “MEG”” kala ong haba bynrap “Ka jingsngewkhia jong ka Sorkar ia mynta ka long ba ki dang don ki nong hikai kiba ioh rit bha ia ka tulop, kaba long tang T.10,000 lane T.20000 bad ki don ruh kiba la ioh haduh T. 1 lak shibnai. Kumta, kane ka sienjam kan weng noh ia ka jingiapher hapdeng ka jingioh tulop jong ki nonghikai hapoh ka Jylla”.

Nalor kane, kala pyntip ba ki jingmyntoi kum ka centralized provident fund (CPF) bad ka pension kin dang iai bteng ban treikam lang ia ki nonghikai Dificit bad ruh ki nonghikai ba dang shu thungkam thymmai.