Shillong, Jylliew 27: U Nongaiktien ka BJP Meghalaya u Bah M Kharkrang hynne ka sngi ula ong baka State BJP kumba long kiwei ki para nongshongshnong ba don jingkitkhlieh, ka sngewkhia jur halor ka jingjyllei ka kam khaii drok hapoh ka Jylla khamtam ha sor Shillong.
Ka BJP ka kyntu iaka Sorkar Jylla bad iaka tnat Pulit ba kin pyndonkam iaki bor Sorkar katba ka don ban tehlakam iaka jingjyllei u drok uba la pynjot iaki khun samla bad iaki longing longsem bad iaka imlang sahlang.
U Bah Kharkrang ula ong baka BJP ka iaroh iaki sienjam jong ka Sorkar lyngba ka tnat Social Welfare, kaba la kynthup lang ia baroh ki kynhun haka DREAM Project bad kala ong ba dang don bun ki kam ban leh naka liang ka Sorkar ban iohi ia u soh.
Ula ong baka BJP Meghalaya ka iaroh iaki jingkhynra iaki nongkhaii bad nongdih drok khamtam haki thain Poli bad haki jaka rung jaka mih shapoh ka Jylla, kaba lam shaka jingshah kem uwei snar khaii drok u Maya Gowla na Khliehriat.
U Bah Kharkhrang ula ong baka Party ka kyrshan iaka tnat Police kaba la pyndonkam iaka Prevention of Illicit Traffic in Narcotics Drugs and Psychotropic Substances Act, kaba ailad ban set hapdeng 1-2 snem iaki nongkhaii droks bala shah kem bunsien.
“Kane ka plié lad ia ki kynhun tohkit ba kin pyndep iaki jingtohkit katkum bala buh por, kaba mut ba hashuwa ban kut ka por set ia ki, ka jingtian bishar kan jin da la dep bad ki nongleh kam bymman kila ngat ha ka jingpynsajia” ula ong.
