Shillong, Lber 13 : Ka Nongaibuit ka Sorkar MDA Kong Ampareen Lyngdoh kala pynpaw ba kam kwah satia ban kynthoh eiei halor ka jingdawa ban pynkylla ia ki jingjied nongmihkhmat ha ki Autonomous District Council tad haduh ban da dep bishar ia ki ain.
“Ngan tharai ba nga dei ban kynthoh namar man ki District Council ki hap hapoh ka Sixth Schedule jong ka Riti Synshar” ong kane ka MLA ka East Shillong haba iakren bad ki nongthoh khubor ha ka sngi Thohdieng haba pynpaw ba ia kane ka kam “dei ban iakren da ki ADC” kumba pynpaw da u Symbud Myntri Rangbah ba khmih ia ka District Council Affairs Bah Prestone Tynsong.
Ka kong Ampareen kala mynjur ba ka jingiakren paidbah la ki nongshongshnong bar jylla ki dei ne em ban shong ha ki ADC hynrei ka ong ba kam pat pule bha ia kane ka kam.
“Ngan kiar ha kaban ai jingkynthoh shabar palat namar ngi donkam ban iashong bad ban iakhmih shuwa ia ki ain” kala pynpaw.
