Shillong, Nohprah 03: U Myntri ka tnat Public Health Engineering (PHE) u Marcuise N Marak u la pynpaw b aka jingkyrduh um ha nongbah Shillongka dei namar ka jingbym pat lah pyndep ia ki bynta jong ka distribution line ka Greater Shillong Water Supply Scheme (GSWSS-III).
“Ha ka jingshisha, ngam tip ia ka daw balei ka don ka jingthut ka rukom sam um. Ka lah ban dei namar bym pat pyndep lut iaki kam jong ka GSWSS-III” ong u Marcuise haba bynrap ba ka PHE kala leh ia ka Test naduh ka jaka tan um na Dam haduh Treatment Plant ha kaba la pynpoi 8MLD ka um sha Treatment Plant ha Mawphlang.
U Myntri u la ïathuh ruh ba ki kam jong ka distribution line ba kynthup ia ki 12 tylli ki zone, ki dang iaid shakhmat ha ki katto katne ki jaka.
“Ka lah ban dei namar ki kam jong ka distribution line jong ka GSWSS ki dang sahkut bad namar kata ki katto katne ki shnong ki shem jingeh ban ioh um” u la ong.
U la pynpaw ka jingkyrmen ba ynda la dep ia ka GSWSS-III, ka sor Shillong kan sa ioh ia ka umbam umdih kaba biang khlem ka jingthut. “Tang shu dep ka GSWSS-III, ngi don ka jingkyrmen ban lah ban pynbiang ia ka um kaba biang ha nongbah Shillong,” u la ong.
 u Marcuise N Marak u la pynpaw b aka jingkyrduh um ha nongbah Shillongka dei namar ka jingbym pat lah pyndep ia ki bynta jong ka distribution line ka Greater Shillong Water Supply Scheme (GSWSS-III).){kind=link}