Iakynduh ia ka Myntri| Kyntu thung Pharmacist ha ki CHC bad PHC
Shillong, Nailur 24: Ki samla pule Pharmacist hapoh ka Jylla kila pynpaw ba ka jingkyrduh kam naka bynta kito kiba la pyndep iaka jingpule Pharmacist kadei namar ka jingbym treikam bha ka Pharmacist Council jong ka Jylla.
Ia kane la kynnoh da u samla Emos John Syiemlieh, u Nongialam ka kynhun ki samla pule Pharmacist hapoh ka Jylla hadien ka jingkynduh iaka Myntri ka tnat ka koit ka khiah Kong Ampareen Lyngdoh.
Haba kren shaki lad pathai khubor u samla Emos u la iathuh ba haka jingiakynduh iaka Myntri kila iakren halor ka jingkyrduh kam ki samla kiba la pyndep ia ka jingpule Pharmacist.
U iathuh baka Pharmacist Council kala don naduh 1992 hapoh ka Jylla hynrei haduh myntaka Tnad ka Koit ka Khiah kam pat pynthymmai iaki dkhot bad ki nongkitkam hapoh ka Council.
“Ka thong jong ka Pharmacist Council ka dei ban bishar iaki dawai, naduh ka jingshna haduh ka jingdie bad ka jingdih iaki jait dawai” ong u samla Emos.
U la ong ba ki samla pule Pharmacist kin sa thaw daka Association naka bynta ban iakren halor ka bha ka miat ki samla pule Pharmacist jong ka Jylla.
U la pyntip ba ki samla pule kila kyntu iaka Myntri ban thungkam Pharmacist hapoh ki CHC, PHC bad haka juh ka por ban thaw daka Pharmaceutical Industry hapoh ka Jylla.
