Nongpoh, Nailur 23: U MLA ka Jirang Bah Sosthenes Sohtun, hynne ka sngi thohdieng ula phah da ka dorkhas sha u Myntri Rangbah ka Jylla Conrad K Sangma ba kyntu ia ka Sorkar ban pynmih noh da ka jingpynbna (Notification) bala pynsangeh ia ka jingthmu ban wanrah ia ki Casino hapoh Ri-Bhoi.
Ha kane ka dorkhas, u Bah Sosthenes ula pynpaw baka mat shaphang ka Casino kala ktah bha ia ka jingsngew jong ki paidbah ka Jirang Constituency bad ka Jylla baroh kawei haba bynrap, ka jingwanrah ia kane ka kam pynbyrngia ha ka thain kan sa ktah jur ia ki paidbah bad ki samla jong ka Constituency.
U Bah Sosthenes ula pynpaw ruh ba u Myntri Rangbah haba kren hapoh ka Iingdorbar Thaw Ain, ula ong ba ka Sorkar kan pynsangeh shisyndon ia kane ka jingthmu bad ban pynkut noh ia ki jingai laisen.
Namar kata, une u MLA ula kyntu ia u Myntri Rangbah ban pynmih noh kham kloi da ka jingpynbna halor kane ka kam.
