Shillong, Naiwieng 30 : Ka National People’s Party (NPP) kala kyntu ia ka Sorkar India ba kan pyrkhat biang halor ka jingkyntait ai visa ia u Rev Franklin Graham, u Evangelist Khristan bala bna nam ka pyrthei, uba la shah khot sngewbha ban wan sha Nagaland.
Ha ka shithi sha u Myntri ka External Affairs, u Working President ka NPP James P.K. Sangma ula pynpaw iaka jingbynniaw halor ka jingkyntait ban ai visa, haba pynpaw ba kane kala pynsngewsih jur hapdeng ki nongialam Balang bad ki kynhun bhalang.
“Ka jingtyrwa wan u Rev. Franklin Graham la iohi ym tang ka jingwan iakynduh ba man ka por, hynrei ka dei ka khyllipmat jong ka jingpynthymmai ia ka jinglong mynsiem bad ka jingiatylli na ka bynta ki paid Naga bad ki Khristan ha ka thain Shatei Lam Mihngi” ong u James.
U James ula ban jur ba kane ka jingialang kan jin da noh synniang sha ka jingsuk bad ka jingialong kawei ha ka thain, ha kaba ki riewngeit Khristan ki dei kiba bun paid duh.
“Ka jingpyrkhat ba khang ia ka jingialang niam kaba suk namar ka visa ka lah ban buh ha ka jingma bad ba lah ban pynmih iaka jingsngewthuh bakla bad ka jingshah lehbein” ula bynrap.
Haba burom ia ka mon jong ka Sorkar ban pyrrkhing ia ka jingrung ki briew nabar ri, u James ula kynpad ban pyrkhat biang sa shisien ia kae ka rai, kaban long kat kum ki ain bad kyndon kiba treikam.
 kala kyntu ia ka Sorkar India ba kan pyrkhat biang halor ka jingkyntait ai visa ia u Rev Franklin Graham, u Evangelist Khristan bala bna nam ka pyrthei, uba la shah khot sngewbha ban wan sha Nagaland.){kind=link}