Shillong, July 21: Ka Khasi Jaintia Church Leaders’ Forum (KJCLF) hynne ka sngi Thohdieng kala kyntu ia ka Meira Paibis jongka Manipur ban ieng kut jingmut ha kaban iada, kyntiew bad ban burom ia ka jonglong ki kynthei ha ka imlang sahlang.
Haba pynrem jur ia ka jingjia pyrshah ia ki longkmie ha ka jylla Manipur kaba don hapdeng ka jingiakynad, ka KJCLF kala ong “Ka KJCLF ka pynrem jur da kaba tyngeh bha ia kito baroh kiba la leh bad don bynta lang ha kaban pynshlur ia katei ka kam bymman. Ngi kyntu ia ki Meira Paibis ka Manipur ba kin ieng kut jingmut ban iada, kyntiew bad ban batskhem ha kaban burom iaka jinglong ki kynthei haka imlang sahlang”.
Ka KJCLF kala pynpaw ba ka jinglong jingman ha Manipur ka long kaba jah burom ban iohi ba ki nongleh kam bymman pyrshah ia ki longkmie kiba hiar dor ban pynpoh ialade da kaba pyni ba kila iaryngkat bad ki mrad, runar, riewkhlaw bad thombor ia ki longkmie ki bym lah ban iada ialade pyrshah ia ki paidbhur kiba runar.
“Kaba sngewsih ka long ban tip ruh ba na ka liang u Myntri Rangbah ka Manipur u
Biren Singh ula kubur ba ki don palat 100 tylli kum kitei ki jait jingjia kiba la jia ha Manipur bad u Myntri Rangbahduh ka ri uba la pynpaw iaka jingsngew pang mynsiem bad jingbitar ba kum katei ka kam sniew kala pynlehrain iaka ri baroh kawei. Ka jingkular u Myntri Rnagbahduh ka ri kadei kaba la sawa bad shai kdar bha “ba kiba donkti ia katei ka kam ym dei ban don jingmap” bad la khmih lynti ba katei ka jingkular u Modi kan urlong shisha bad shen” la ong ka KJCLF.
Ka KJCLF kala pynpaw ia ka jingsngewnguh iaka jingtuklar mardor jong u Chief Justice of India, u DY Chandrachud, uba la kyntu iaka sorkar ba kadei shimkhia mardor. Kane kadei ka jingai jingkular ia ka ri bad khamtam eh ia ki longkmie kiba la mad ia katei ka lanot ba kin ioh ia ka jingbishar kaba hok.
Ka KJCLF kala kyntu ia ki para kynthei kiba mad ia ki jingeh, jingsngewsih kthang kaba la ktah iaka pyrkhat pyrdain ka jongki ba kin long kiba khlain bad ba kin lah ban iai shah ha ka mynsiem ka jongi bad ba kin kynmaw ruh ba bun kin buh jingduwai na ka bynta ka jong ki.
Pule ruh: Sam u CM ia ka khusnam “Ateliers Meghalaya Award” sha ki 7 ngut ki Nongshna jingshna
 hynne ka sngi Thohdieng kala kyntu ia ka Meira Paibis jongka Manipur ban ieng kut jingmut ha kaban iada, kyntiew bad ban burom ia ka jonglong ki kynthei ha ka imlang sahlang.){kind=link}