Shillong, Nailar 31 : Ka Bharatiya Janata Party (BJP) kala kyntu ia ka Sorkar Jylla ba kan tuklar noh halor ka jingiatynjuh bor hapdeng u Vice Chancellor ka North Eastern Hill University (NEHU) bad ka Meghalaya College Teachers Association halor ka jingpyntreikam ia ka National Education Policy (NEP) 2020.
“Ngi la iohi ia ki jingiapher jingmut hapdeng ka MCTA bad ka NEHU (halor kane ka kam). Na ka bynta ka jingmyntoi ki samla pule ka Jylla, ngin sa phah ia ka shithi sha u Myntri ka Tnad Pule Puthi ba kyrpad ia ka jingdonkam ban pynbeit noh ia kane ka jingeh lyngba ka jingiakren” ong u President ka BJP Bah Ernest Mawrie.
Haba pynpaw ba ka NEP kan ai jingmyntoi bha ia ki samla pule jong ka Jylla, une u Nongialam ka BJP ula ong “Hynrei ngi dang don ia ki jingduna ha baroh ki liang bad ngi la slem lypa bad mano ban long kiba duhnong, ki dei ki samla pule jong ka Jylla jong ngi. Hooid, nga mynjur ba kan don ka jinghap pynlut bun bah hynrei haba ngi pyntreikam ia ka NEP, ka Sorkar kan hap ban phah ia ki jingtyrwa (ia ki jingdonkam) sha ka Sorkar Pdeng”.
Haba kylli, u Bah Ernest ula ong “Katto katne ngut ki Principal kila pynpaw ba ki pdiang ban pyntreikam noh ia ka NEP bad don ruh kiba ong ba kim pdiang namar ba ki don shibun ki jingeh ha ka pisa pilain bad ruh ha ki jingtei. Haba phi sdang ia kano kano kaba thymmai, khlem pep ngin iakynduh beit ia shibunki jingeh hynrei phi hap ban pyntreikam bad thoh ruh sha ka Sorkar Jylla namar ia kine ki jingeh lah ban weng tang da ka Sorkar Jylla bad ka Sorkar Pdeng”.
Pule lang ia kane: Manipur: Iap 3 ngut ki riew paidbah, mynsaw bun ngut ha ka jingiather kuli ki kaikhlaw
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
