spot_img

Kyntu ka Acting VC ka NEHU ban weng ia ki Pulit bad CAPF na Campus ba iakhih ki Samla Pule

Date:

Share post:

Shillong, Iaiong 29 : Ka Acting Vice Chancellor ka NEHU Prof SM Sungoh, kala phah jingthoh sha ka Director General of Police (DGP) ka Jylla bad kyrpad ban weng noh ia ki bor Pulit bad ki CAPF napoh ka phyllaw jong ka skulbah.

Palat 2 pyrton ki Pulit bad ka kynhun ki CAPF la phah ban pahara shapoh ka phyllaw jong ka NEHU ha ka sngi Nyngkong hadien ka jingshah shoh jong u Nonghikai ka tnad Hindi hapoh ka skulbah.

Kane kala pynbitar lep ia ki samla pule na ka NEHU Students’ Union (NEHUSU), kiba la dawa ia ki bor District ba kin bthah ia ki Pulit ba kin mih noh na phyllaw jong ka skulbah bad ban ieng pahara sha kiwei pat ki jaka.

Ha ka shthi sha ka DGP, ka Acting VC kala ong “Kala poi sha ka jingtip jong ki bor pyniaid lyngba u Security Officer, NEHU, Shillong Campus, ba bun ngut ki Pulit kila rung hapoh ka campus jong ka NEHU shillong, khlem ka jingtip jong nga”.

Namar kata, ka ong, ki samla ki don ka jingsngew sheptieng hapoh ka campus. Halor kane, kala kyntu ia ka DGP ba kan weng noh mardor ia ki bor pahara napoh ka campus khnang ban wanrah ia ka jinglong ba jai jai hapoh ka campus.

Share post:

spot_img
spot_img

Popular

More like this
Related

Kyrmen u Myntri ban kiew biang ka ioh ka kot ha Ri-lum Jaintia da ka jingsdang tih dewiong

Shillong, Naitung 07: U Myntri Sorkar bad MLA ka...

Pynrem u Waheh Chnong ka Lapangap ia u Linus Joit ba shukor shah thombor ha ki Karbi

Jowai, Naitung 07 : U Waheh Shnong ka Lapangap...

Leit aiti ka Kmie iala u Khun ba khot hajir ki Pulit tang ban ngat ha ka jingshah shoh dusmon

Shillong, Naitung 07 : Kum ka briew kaba burom...

Bthah ka Iingkashari ia ka Sorkar ban pynioh lum jingtep ia baroh ki paid Khristan

Shillong Naitung 07: Ka iingkashari Meghalaya High Court kala...