Shillong, Nohprah 23 : U President ka Meghalaya Pradesh Congress Committee (MPCC) bad MP barim ka Shillong Bah Vincent H Pala ula kynnoh ba u Myntri Rangbah barim Dr Mukul Sangma bad ka party jong u-ka All India Trinamool Congress (AITC) kila kylla long “ki bym don jingmut shuh” ha ka jylli sain pyrthei hapoh Ri-lum Khasi bad Jaintia.
Kat kum ka jingong jong u, ka Congress kam don jingkhuslai satia bad ieh ha u Dr Mukul la u kwah ban wanphai biang sha ka Congress ne rai da kumwei.
Kane ka nongrim u Bah Pala kala mih kum ka jingkynthoh ia ka jingkynnoh ba dang shen jong u Dr Mukul ba ka jingkylli kam mih satia ia u ban leit phai biang sha ka Congress namar kala iatreilang bad ka Sorkar Meghalaya Democratic Alliance (MDA) kaba kyrshan da ka Bharatiya Janata Party (BJP).
“Ngim don jingkhuslai satia la u Dr Mukul un wanphai biang ne em. Ngi don eiei satia bad ka shong ha u ban shim rai” ula ong.
Haba pynpaw ba ka Congress kala jop ia ka Tura Parliamentary seat ha Ri-lum Garo khlem u Dr Mukul Sangma, une u MP barim ka Shillong ula ong “Kyrmen skhem ba ha Ri-lum Khasi bad Jaintia ruh ha kane ka kynti, ngi dei ban leh bha khlem u Dr Mukul. To ngin kyrshan ba hadien habud ruh ngin sa nang lah ban leh kham bha”.
Haba kynnoh ba u Dr Mukul bad ka TMC kila kylla long “ki bym don jingmut shuh” ha Ri-lum Khasi bad Jaintia, u Bah Pala ula ong “U Dr Mukul um shym la don satia ia ki kyrtong ban iakhun ia ka elekshon MDC. Kane ka pyni ba ka TMC kala kut ha ka jylli sain pyrthei ha Ri-lum Khasi bad Jaintia bad ki briew jong ka, kila wan iasoh lut sha ka Congress. Kane ka mut ba u Dr Mukul ula kut ha Ri-lum Khasi bad Jaintia”.
 bad MP barim ka Shillong Bah Vincent H Pala ula kynnoh ba u Myntri Rangbah barim Dr Mukul Sangma bad ka party jong u-ka All India Trinamool Congress (AITC) kila kylla long “ki bym don jingmut shuh” ha ka jylli sain pyrthei hapoh Ri-lum Khasi bad Jaintia){kind=link}