Shillong, K’lyngkot 23 : U Superintendent of Police ka East Khasi Hills Bah Vivek Syiem ha ka sngi Palei, ula kyntait ia ka jingkynnoh jong ka seng Hynniewtrep National Liberation Council (HNLC) ba ki Pulit kila pyndonkam ia ki dkhot pyndem wait (SHNLC) kum ki atiar ban ialeh pyrshah ia ka Seng.
Une u Heh Pulit ula ong ba kane ka jingkynnoh ki dei ki bym shisha bad kaba shu thok suda.
“Kam dei satia kaba shisha. Ngi la iakhun ia ki kam kaikhlaw hala ki jong ki nongrim bad kyndon. Ki briew jong ngi kila ialeh ha madan. Ngim donkam ban pyndonkam ia ki dkhot pyndem wait. Kane kam dei kaba shisha, kata ka long kaba bakla lut” ula ong haba iakren bad ki nongthoh khubor.
Ha ka kyrwoh bala pynmih ha ka 21 tarik Kyllalyngkot, u General Secretary-cum-Publicity Secretary ka HNLC Bah Sainkupar Nongtraw ula ong ba ki kam jong ka sorkar ha ka por bad hadien ka jingiakren iasuk bad ka HNLC ki pyni ia ka “jinglong kabym lah ban shaniah”.
“Ka jingkhot hajir ia ki nongialam jong ngi ha ka por ba dang iaid ka jingiakrem kam dei sati aka sienjam sha ka jingsuk hynrei ka kam pynbor, kaba pynshisha ba ki kwah ban pyniaid, ym ban iakren. Mynta, ka jingkhtong ia ki dkhot barit baria ka dei ka jingpyrshang ban pyntieng pynsmiej bad pynpulom ia ka jingiakhih jong ngi” ula ong.
 ba ki Pulit kila pyndonkam ia ki dkhot pyndem wait (SHNLC) kum ki atiar ban ialeh pyrshah ia ka Seng.){kind=link}