Shillong, Nailar 31 : U Nongialam ka BJP ba Myntri Sorkar Bah A.L.Hek ha ka sngi Palei, ula kyntait ban pdiang ia ka khubor ba u MLA barim ka Mawsynram Bah Himalaya M Shangpliang, u don jingthmu ban leit pyniasoh noh ialade sha ka National People’s Party (NPP).
Haba iakren bad ki nongthoh khubor, u Bah Hek ula pyntip ba u dang iakynduh ia u Bah Himalaya hynnin ka janmiet sngi Balang bad pyntip ba kam shym pat don satia ka jingiakren ba un leit pyniasoh noh sha ka NPP bad ma u ruh dalade um pat don jingtip ia kane ka kam.
Haba kylli halor ka showcause notice ka ban ai sha u Bah Himalaya, u Bah Hek ula ong ba ka shong ha ka party ba kan leh ia kane ka kam.
Halor ka jingiakhun ka Party ia ka elekshon Lok Sabha, u Bah Hek ula ong ba ka party kan dang ban shim rai bad ma u hi um pat lah ban tip kiei ki kyrtong ki ba lah ban mih naba kane ka kam ka shong ha ki Nongialam na Delhi ban shim ia ka rai.
Une u Myntri Sorkar um shym la mynjur lane kyntait ba u don ka jingangnud ban iakhun ia ka elekshon Lok Sabha.
U Bah Hek ula pynpaw ruh ba naba ka BJP ka dei ka National Party, kumta ka party ka dei ban iakhun na baroh artylli ki seat-Shillong bad Tura Parliamentary seat.
Pule lang ia kane: Thaw ka KSA bad JSM da ka Committee ban wanrah jingsuk ha khappud Khanduli
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
