Shillong, Naitung 28: Haduh 2,166 ngut ki nongthep vote ha Meghalaya kila kyntait ban aiti ia ki Enumeration Form ka Special Intensive Revision (SIR), 2026, iathuh da u Chief Electoral Officer u Dr BDR Tiwari ha ka sngi Baar haba maham ba kito kibym aiti ia ki phom hapoh ka por ba la buh kin ym mih kyrteng ha ka Draft Electoral Roll kaban sa pynmih ha ka 5 tarik u Nailar.
Da ka jingsah sa tang shi sngi jong ka jingsam bad ka jingleh da ka kor digital, u Dr Tiwari ula ong, ba baroh ki Booth Level Officers kila dep ioh ia ka jingbthah ba kin leit mardor ha man la ki longiing kiba dang sahteng.
Katkum ka jingpynbeit thymmai kaba la pynbna ha ka 28 tarik u Naitung, kila don 1,49,656 ngut ki nongthep vote ne 6.37% ha ka jylla kiba na ka 23,49,645 ngut ki nongthep vote, kidei kiba lah dep pynhap ha ka kyrdan Absent, Shifted, Death bad Duplicate (ASSD).
Kine ki kynthup ia ki 74,851 ngut kiba la khlad noh, 37,914 ngut kiba la pynkynriah noh, 28,826 ngut kiba la pep, 5,899 ngut kiba la pynrung kum ki ‘Duplicate Entry’ bad 2,166 ngut kiba la kyntait.
Nalor kane, 2,24,435 ngut ki nongthep vote ne 9.55% jongki nongthep ki hap hapoh jongka kyrdan ‘No Mapping’ bad ki donkam ban pynshisha shuh shuh.
“Ki nongthep vote ki bym pat aiti ia la ki phom, la kyntu ia ki ba kidei ban leh noh mardor da kaba aiti ha ki BLO ki jongki ne da kaba shu pynreng kyrteng hi dalade ha ka ECINET App ne Portal,” la ong u CEO.
U Dr Tiwari ula pynshai ba baroh ki ASSD bad ki jingkyntait ban aiti ia ki phom un sa pyniaid pyrkhing bha hapoh jong ka Registration of Electors Rules, 1960, hadien ba la dep ban pynshisha bad hadien ba lah dep ban ai ia ka lad sha kitei ki nongthep vote ne sha ki dkhot jong ka longiing.
Ha kaba ka SIR kala jam sha ka wat kaba khatduh, u CEO ula kyntu ia ki nongthep vote kiba dang sah ba kin iashimbynta ban pynthikna ia ka jingkhuid, jingthikna bad ka Electoral Roll kaba salonsar.
Ka jingleit rung ha man la ki iing ki sem jong ka SIR 2026 kan kut ha ka 29 tarik u Naitung.
, 2026, iathuh da u Chief Electoral Officer u Dr BDR Tiwari ha ka sngi Baar haba maham ba kito kibym aiti ia ki phom hapoh ka por ba la buh kin ym mih kyrteng ha ka Draft Electoral Roll kaban sa pynmih ha ka 5 tarik u Nailar.){kind=link}