Shillong, Jymmang 19: Ka Sorkar MDA kala kyntait ia ka jingkynnoh ba ka tnad Public Health Engineering (PHE) kala pynkhein ia ki kyndon ha ka jingai ia ka projek kaba T.1,900 Klur ia ka kynhun kaba nabar ka jylla Meghalaya, ha kaba u Myntri Sorkar bad u Nongaiktien ka Sorkar Bah Wailadmiki Shylla ula pynpaw ba ka jingkhot ia ka Tender ka long kaba khuid ba suba bad kaba la iaid katkum ka jingbuh ia ki kyndon.
Haba kren halor kine ki jingkynnoh jong ka jingshah liang, u Bah Shylla ula ong, ba man la ki jingbhah ia ka kam hapoh jong ki tnad kidei kiba la iaid lyngba ka rukom treikam jong ka jingkhot ia ka Tender.
“Na ka bynta kino kino ki jingthep Tender, ka jingaiti ia ka kam, kila don katto katne ki thup kyndon bad ki jingdonkam. Phi hap ban don ia ki katto katne ki jingtbit bad jinglah” ula ong hynne ka sngi Baar bad ka banjur ba ka rukom jied kam dei kaba leh ha ka lynti kaba bakla.
“Ka sorkar kala iaid katkum baroh ki rukom treikam ha kaba iadei bad katei ka jingtei. Baroh ki jingdonkam kidei kiba la lah ban pyndep” ong u Bah Shylla.
“Kam dei kumba ngi jied ia kat kaba ngi mon. Ki don katto katne ki kyndon, ki rukom pyniaid ia ki kam ki jam kaba ngi hap ban bud ryntih” ula bynrap.
Katkum ka jingong u Bah Shylla, ka jingthep tender kam dei kaba la khang satia ia kano kano ka karkhana.
“Lada uno uno u briew u ioh ia ka kam, kadei namar ba ngi lah bud ryntih ia ki kyndon ain bad ia ka rukom pyniaid ia ki kam. Ka long kaba plie ia baroh kiba kwah ban wan ban iashimbynta lang” ula ong.
Ula ong shuh shuh, ba ki kyndon kim dei satia kiba la pynwandur ban ai jingmyntoi ia uno uno u nongthep tender. “Kam mut ba ngi lah thaw ia ki kyndon ba tang utei u briew un wan ban iashimbynta” la ong u Bah Shylla.
Kane ka jingpynshai kala mih kadei hadien ba ki seng kiba don ha ka Liang Pyrshah kila buh jingkylli halor ka rukom ioh ia bun tylli ki projek jong ka Jal Jeevan Mission kaba kot T.1,900 Klur ia ka kompani kaba nabar ka jylla.
 kala pynkhein ia ki kyndon ha ka jingai ia ka projek kaba T.1,900 Klur ia ka kynhun kaba nabar ka jylla Meghalaya, ha kaba u Myntri Sorkar bad u Nongaiktien ka Sorkar Bah Wailadmiki Shylla ula pynpaw ba ka jingkhot ia ka Tender ka long kaba khuid ba suba bad kaba la iaid katkum ka jingbuh ia ki kyndon.){kind=link}