Shillong, Jymmang 19 : Ka National People’s Party kan sei iala u kyrtong na ka bynta ka elekshon MP Rajya Sabha na Jylla, ong u Myntri Sorkar bad President ka NPP State Youth Wing Bah Wailadmiki Shylla ha ka sngi Ba-ar, haba bynrap ba ia ka rai yn sa shim ha ka jingialang ka party ka ban long la shem taiew.
Haba jubab ia ka jingkylli ia u briew ba ka party ka jied na ka bynta ka shuki MP, u Bah Shylla ula ong ba pat iashong jing ialang satia haduh mynta.
“Ia mynta ngam lah ban ong eiei namar ym pat khot satia ia ka jingialang haduh mynta” ula ong.
“Nga tharai ha ka taiew ban wan, ngi lah ban iashong jingialang. Hadien kane, kiei kiei baroh kin sa shai” ula ong haba pynthikna ba u kyrtong hi yn mih na ka party.
