Shillong, Nailar 23 : Ka Iingdorbar Thaw Ain kala kyntait ia ka Amendment Motion jong ka Voice of the People’s Party (VPP) ba tyrwa ban kham pynbun ia ki sngi jong ka dorbar synrai bala buh da ka Business Advisory Committee.
“Ki ‘Nos’ kila jop bad ia ka amendment motion la kyntait da ka Iingdorbar” ong u Lamphang ka Iingdorbar Thomas A Sangma hadien ka jingiavote ia ka motion.
Hashuwa ban buh iaka motion sha ka jingiavote, u Lamphang ula kular ia u dkhot ba u lah ban pynjlan ia ka por lada donkam. “Nga ai ka jingkular lada mih ka jingdonkam. Ngan sa pynjlan ia ka por hynrei ym ia ki sngi (shong dorbar)” ula ong.
Wat hapdeng ka jingkyrpad u Lamphang ban weng noh ia ka motion, u MLA ka VPP na North Shillong Bah Adelbert Nongrum ula ong “Nga burom ia ka jingkyrpad jong phi hynrei ngan ym weng satia ia ka amendment motion”.
Haba wanrah ia ka motion, u Bah Adelbert ula ong ba ka jingbuh tang 5 sngi ia ka dorbar bad ai tang 2 sngi ban iakren ia ki kam ki MLA shimet, ka por kala lyngkot palat ia ka Iingdorbar ban ai ka jingleh hok sha kiba bun ki kam kiba kongsan jong ka Jyla kiba donkam ban hap iakren kyrkieh hapoh ka Iingdorbar kaba iakynduh tang arsien ha ka shisnem.
Haba jubab, u Symbud Myntri Rangbah ba khmih ia ka Parliamentary Affairs Bah Prestone Tynsong ula ong ba ka BAC kala dep iakren bniah bha ia baroh ki kam bad ha ka Dorbar Synrai bala dep ruh, ki sngi bala buh ban shong dorbar ka long 5 sngi.
” ula ong.){kind=link}