Shillong, Naitung 10 : Ka United Democratic Party (UDP) kala kynnoh ia ka Hill State People’s Democratic Party (HSPDP) ba ka pynkha ia ki jingpynkulmar jingmut da kaba pynbna paidbah iaka rai ban mih iakhun la ka jong ia ka elekshon MDC khlem da iakren shuwa hapoh ka Regional Democratic Alliance (RDA).
Kat kum ka jingong u Working President ka UDP bad Myntri Sorkar Bah Paul Lyngdoh, kane ka sienjam jong ka UDP ka dei ka bym shym la khmih lynti satia bad kala dei ban iakren shuwa hapoh ka RDA Executive Committee ha kajaka ban pynbna paidbah lyngba ki lad pathai khubor bad WhatsApp.
U Bah Paul ula pynshai ba ka jingkynthoh jong u ba dang shen halor ka jingmih noh ka HSPDP n aka RDA ka dei kaba la pynshong nongrim na ki jingiakren iakhana, ia kaba la pynthikna pat mynta da kane ka jingpynbna paidbah.
Kane ka jingmih kine ki kynrum kynram kila pynkulmar thlim ia baroh artylli ki party bad bun na ki nongialam ka UDP kilapynpaw ia ka jinglyngngoh halor ka jingkren u Bah Paul.
Hynrei, u Bah Paul ula pynpaw ruh ia ka jingsngewskhem ba kine ki jingiapher jingmut baroh yn sa lah ban pynbeit noh hapdeng ki ar party.
 kala kynnoh ia ka Hill State People’s Democratic Party (HSPDP) ba ka pynkha ia ki jingpynkulmar jingmut da kaba pynbna paidbah iaka rai ban mih iakhun la ka jong ia ka elekshon MDC khlem da iakren shuwa hapoh ka Regional Democratic Alliance (RDA).){kind=link}