Nongpoh, Nailar 28 : Uwei u Pulit Assam la kynnoh ba ula thmu leh beijot ia iwei i Khynnah rit ha ka shnong khappud ka Meghalaya-Assam, kaba hap hapoh Ri-Bhoi District.
Kane ka jingjia kala jia ha ka janmiet sngi Balang ha ka por 5 baje eiei, ong ki Heh Pulit haba iathuh ba ia kane ka case la register mynta hapoh ka Nongpoh Women Police Station.
Une u Pulit Assam, u dei uba la phah duty na Assam sha kane ka shnong khappud (bala buhrieh kyrteng) ban peit thuh ia ka suk ka sain ha ka thain.
La iathuh ba ula Pulit ula pynlaw ia ki jainphong jong ine I Khynnah hynrei bha bok ba ha kum katei ka por, la wanlap noh da ki briew, kaba la pynlong ia une u Puliit ban phet krad na katei ka jaka, bad ioh pyllait ia ine i Khynnah na ka tyrsim jong une u riew bymman.
Na ka liang u Kpa jong ine I Khynnah, ula leit ujor da ka ejahar sha ki Pulit ka Meghalaya bad dawa ban leh eiei mardor ia une u Pulit ka Assam kat kum ki kyndon ain.
