Shillong, Rymphang 20 : Ka All India Trinamool Congress (AITC) hynne ka sngi ka kynnoh ba ka Airport Authority of India (AAI) kala kyntait ban ai jingbit ia ka helicopter ba kit ia u Nongialam ka Liang Pyrshah Dr Mukul Sangma, ba kan wan hiar hapoh ka kad liengsuin Umroi (Umroi Airport).
La iathuh ba kane ka jingpan jingbit ban hiar ha Umroi kala mih ruh hadien ba ka helicopter ba shong u Dr Mukul, kam lah satia ban wan hiar ha helipad kaba don ha Upper Shillong namar ka jingbym ailad ka suinbneng.
Kat kum ka jingpyntip ka AITC, u Dr Mukul Sangma ula wan na Ri-lum Garo sha Shillong ban iakynduh ia ki Lad pathai khubor ha Shillong, kaba la buh ban long hynne ka janmiet.
Namar kane, u Dr Mukul Sangma ula hap ban leit phai biang sha Ri-lum Garo.
