Guwahati, Rymphang 20 :Ka la don ka jingjia ther kuli ha Ledo hajan khappud ka Assam bad Arunachal ha kaba ki dkhot jong ka kynhun seng lehnoh ba la shah khein beain ka United Liberation Front of Asom-Independent (ULFA-I) la kynnoh ba kila ther kuli pyrshah ia ki riew paidbah mynta ka sngi 20 tarik kaba la wanrah ia ka jingiap jong ki laingut ki briew.
Ki khubor ki iathuh ba kane ka jingther kuli ka la jia hapdeng ka thain Pheenbhiru bad Ringraan Thaan ha khappud ka Assam-Arunachal.
Katkum ki khubor la ong ba kine ki lehnoh la suba ba ki la leh ia kane ka kam thombor hadien ka jingjia iather kuli hapdeng ki dkhot jong ka bad ki bor pulit ka Assam kaba la jia ha ka 8 tarik mynta u bnai, ha kaba uwei na ki dkhot jong ka kynhun ia uba la tip kyrteng kum u Uday Asam u la kyllon iap ha ka jingialeh.
