Shillong, Nailur 06 : U President ka Bharatiya Janata Party (BJP)-Meghalaya Bah Ernest Mawrie, ula kynnoh kylla ba dei u MLA barim ka Mawsynram Bah Himalaya Shangpliang uba shakri peit bahaiing (nepotism) hapoh ka party.
Kat kum ka jingong une u Nongialam ka BJP, u Bah Himalaya ula kyrpad ia ka Party ban thungkam ia u para hapoh ka Mawsynram Mondal.
Kane ka jingkynthoh u Bah Arnest kala mih pyrshah ia ka jingkynnoh u Bah Himalaya ba ka don ka jingshakri peit bahaiing bad paralok jong ki Nongialam ka BJP hapoh ka jingialam jong u (Ernest) kaba pynlong ia u (Himalaya) ban iehnoh kam kum u dkhot ka BJP.
Haba kyntait ruh ba don ki jingiashrut hapoh ka party, u Bah Ernest ula ong ba ma u, kum u President jong ka BJP Meghalaya, um lah satia ban shim rai halor kano kano ka kam bad ba u hap ban bud ia ki jingbthah jong ki Nongialam na Delhi halor ki kam policy.
U Bah Ernest ula sei madan ruh ba kumno une u MLA barim ka Mawsynram ula wan khroh ia u ban mih iakhun ha ka elekshon Lok Sabha 2024 bad ula buh kyndon ia u (Ernest) ba un phone ia baroh ki paralok ba iatreilang ha kaban kyrpad ban sei da u kyrtong iamonlang ha kane ka elekshon.
