Nongstoin, Nailur 06 : Ka Hynniewtrep Youth Council (HYC)-Maweit Circle, kala maham ban leh da kaba tyngeh ia baroh ki briew kiba kit bad shalan masi beain na surok Nongstoin-Maweit.
Kat kum ka kyrwoh na u General Secretary samla Shemphang Tyrsa la pyntip ba ka HYC kala buh mynta ia ki volunteer ki ban pahara ha shilynter ka surok Maweit, ki ban kem lada lap ia ki briew kiba khaii masi beain na ka thain.
“Ka seng kan kem ia kiba shalan masi beain bad kan aiti sha ki bor ka ain” ula maham.
Ha kajuh ka por, kane ka Seng kala dawa ia ki bor District ba kin peit bad ban phah pahara bha ha kane ka surok ban tehlakam ia ki nongkhaii masi beain khnang ba ki paidbah kiba ri jingri ha ka thain kin ym sheptieng na ka jingpang sniehdoh (Lumpy skin) ban iabit ia ki masi ha ka thain.
