Itanagar, K’lyngkot 19 :Ki nongshong shnong ka Kangku circle kaba hapoh Lower Siang district ka Arunachal Pradesh kila kam ba ki briew na ka jylla ba marjan ka Assam kila wan ban shong beain sha ki jaka pud kiba dei trai da ki nong Arunachal, kata wat hadien ba ka jingiapynbeit halor ki kam iakajia pud hapdeng kine ki ar jylla kam pat shym la lah ban shim ia ka rai kaba khatduh halor kane ka jingeh.
Ki trai shnong ki la ong ba ki nongshong shnong jong ka Durpa, Sogum bad Champakchojo ki la don hapdeng ka jingma na ka jinglah ban duh ei ia ki jaka puta ki jong ki.
“Ngi la long kiba husiar miet la bad sngi wat hapdeng ka tlang ban iada iala ki jaka shong jaka sah kiba naduh hyndai na kine ki briew napoh napoh Assam,” ong uwei na ki nongshong shnong. “Ki la pyrshang ban kurup bun ki jaka katba ki lah hashwa ka jingshim rai kaba khatduh halor ki kam iakajia pud hapdeng kine ki ar jylla.”
Ki trai shnong ha kane ka jaka kila ong ba ka jinglong jingman ka don hapdeng ka jingsyier, kata wat hadien ba ki sorkar ka Arunachal bad ka Assam kila shim ia baroh ki sienjam kiba thmu ban pynkut noh ia kane ka jingiakajia pud kaba la slem bah.
Katkum ka kaiphot jong ka Bordoloi commission 1951, ki heh sorkar kiba long ka bynta jong ka regional committee ia kaba la thaw da ki sorkar jong kine ki ar jylla na ka bynta ban weng ia kane ka jingiakajia pud ka ban long katkum ka Namsai Declaration kam ki nongshong shnong ka Durpai, Sogum, bad Champakchojo.U Reli Kena u nongialam jong ki samla hapoh ka thain, u la ong; “Ka Arunachal barabor ka la kyntait ia ka kaiphot jong ka Bordoloi commission.” U la ong ruh ba ka jinglong jingman ha katei ka thain ka don hapdeng ka jingsyier.
Ki shnong ki jong ngi ki la shah ring dur ha ki heh sorkar ka Assam.U Myntri ka tnat pule puthi ka Assam u Ranoj Pegu bad bun ngut ki heh sorkar dang shen ki la leit ban jurip sop sop sha katei ka jaka.Ngi sngewkhia jur ba ki heh sorkar ka Assam ki lah ban kurup ia ka shnong Durpai, Sogum bad ka Champakchojo, ong utei u nongialam.
