Shillong, Naiwieng 18: Ka kynhun wad jingtip lyngba ka Right to Information (RTI) na Mawsynram, kala kynnoh ba u MLA barim u Bah HM Shangpliang u la pyndonkam bakla iaka pisa kaba kot T.1.25 klur jong ka SRWP scheme.
Haba kren sha ki lad pathai khubor, u Bah Rockester Thongni u la kynnoh ba u Bah Shangpliang wat la um dei shuh u MLA hynrei u la pyndonkam bakla pat iaka pisa jong ka SRWP skhim jong u snem 2022-2023.
“Hadien ka jingwad RTI ngi lap ba u Bah Shangpliang watla um dei shuh u MLA hynrei daka jingïarap u BDO In-charge ka C&RD Block, u la pyndonkam daka bor ban sei ia ka MLA skim lane ka SRWP jong u snem 2022-2023 kaba kot T.1.25 klur” kynnoh u Bah Rockester.
U Bah Rockester u la iathuh ba kat kum ka jingtip, ka MLA skhim kaba dei Jong u MLA barim ka dang don sa T.1.25 klur hapoh Mawsynram C&RD Block hynrei tang hadien 1 snem 4 bnai ba u Bah Shangpliang u la rem ha ka election MLA u la pyndonkam bakla ia ka bor bad phah ban sei ia kane ka Pisa.
U la ong ba kane ka jingleh u Bah Shangpliang ka long pyrshah kat kum ka Office Memorandum kaba la pynmih ha ka 14 tarik Nailar 2023 kaba kren shai ba uno uno u MLA u ba la rem ha ka election un ym lah shuh ban pyndonkam ia kane ka Pisa .
Nalor kane u Bah Rockester u la dawa ia ka tnat ba dei peit ba ka dei ban tohkit bad kumjuh ban phah siew noh ia kane ka Pisa kaba la pyndonkam bakla da u Bah Shangpliang.
 na Mawsynram, kala kynnoh ba u MLA barim u Bah HM Shangpliang u la pyndonkam bakla iaka pisa kaba kot T.1.25 klur jong ka SRWP scheme.){kind=link}