Shillong, Jymmang 08: Ka Hynniewtrep Youth Council (HYC) hynne ka Lah Sngi u Blei kala dawa ia u Registrar ka skulbah NEHU ban tuklar lem halor ka jingkynnoh ba ka don ka jingdkoh ha kaba iadei bad ka rukom treikam jong ka Screening Committee ha kaban thungkam na ka bynta ka kam Associate Professor ha ka tnad Journalism and Mass Communication.
Ha ka dorkhas ba la phah sha u Registrar ka NEHU Prof AS Dixit, u General Secretary ka HYC Bah Roykupar Synrem ula pynpaw ba ka seng kala ioh ia ka jingtip ba kawei ka kyrtong kynthei ka Dr Natalie Jo-Anne Diengdoh kaba dei ka riewlum Scheduled Tribe jong ka jylla kala aplai ia katei ka kam Associate Professor ha ka 15.04.2022 bad hadien kane kala phah ruh ia ki kopi jong ki certificate jongka, ha ka tnad Establishment II ha 16.04.2022.
Hadien kane, kala phah biang ia ki kopi jong ki certificate kiba la dep ban soi (Attest) ha ka tnad Establishment II ha ka 3 tarik u Kyllalyngkot 2023.
“Hynrei haka 14 tarik u Iaiong 2023 la kyntait iaka aplikeshon ka jong ka da ka Screening Committee bad kala ioh pdiang 0 ne nod khlem da ai ia kano kano ka jingbatai” la ong u Bah Synrem.
“Ngi kyrpad ba phin tuklar bad ban pdiang biang ia ka aplikeshon da kaba phai biang sha ki kopi jong ka sertiphiket kaba la dep ban soi kiba la dep ban aiti ha ka tnad Establishment II. Kan long kaei kaei kaban sngewtynnad lada ka skulbah kan shimkhia ia kane ka jingjia bad ban pynthikna ban ai iaka jingbishar kaba hok sha ka dkhot kaba dei hok ban ioh ia ka kam kaba long ruh ka riewlum jong ka jylla Meghalaya,” la pynpaw u nongialam ka HYC ha ka dorkhas.
Ka Dr Natalie kala shah kyntait watla kala pyndep iaka “Doctor of Philosophy ha ka Folkloristics, Thesis entitled Representations of Ka Niam Khasi in Mass Media na ka North Eastern Hill University, Shillong, 2015, Masters of Arts in Journalism & Mass Communication, Sikkim Manipal University of Health, Medical & Technical Science, Shillong, 2008, B Div 64%, National Eligibility Test (Journalism & Mass Communication), University Grants Commission, 2012, Teaching naduh u snem 2013.
Ia mynta kadei ka Assistant Professor ha ka National Institute of Fashion Technology. Shillong bad ka Dr Natalie kadei ka nongthoh kot bad pynmih 4 tylli ki kot ha ka ktien Khasi bad 2 tylli ha ka ktien phareng.
“Haduh mynta kala dep phah ia 3 tylli ki jingthoh ha ka 19 tarik u Iaiong 2023 ha ka Portal ban iasaid hlor kaj ingjia iaka bad iaka jingthoh kaba lai la phah ha ka 1 tarik u Jymmang 2023 sha phi haka [email protected] bad sha ka ST Cell haka [email protected]. Hynrei haduh mynta ym shim la ioh ia kano kano ka jubab ia ka jingud jingnam ka jongka, kumta nga kyntu ba dei ban khmih biang ia katei ka jingjia namar ba kadei ka kyrtong kaba don ia baroh ki jingdonkam na ka bynta katei ka kam” la pynpaw u Bah Synrem.
“Kala noh synniang shi katdei ia ka jylla lyngba ka jingtrei shitom ka jongka ha ka jingpynneh pynsah ia ka kolshor ha ki rynsan bapher ha ki kot, documentary films, radio productions, paper publications bad kumta ter ter. Kum ka nongaplai kam kaba la nang la stad bha bad kaba la ih bha ha ka kam bad kaba dei ruh naka jaidbynriew Khasi-Jaintia, ngim iohi ban don kano kano ka daw ban pynduh ia katei ka kabu ban shakri ha ka university,” la pynpaw u nongialam ka HYC bad ka bynrap ba ia katei ka tnad pule la pyniaid da ki Assistant Professor kiba dei na kiwei pat ki jaidbynriew.
