Guwahati, Iaiong 06: Ka Assam Unit jong ka seng saiñ pyrthei CPI(M) kala kynnoh ba ka BJP kala pynkheiñ ia ka Model Code of Conduct ha kaba u Myntri Rangbah ula pynbna ia ka Socio-Economic Survey hadien ba la dep pynbna ba la pyntreikam ia ka Election Code of Conduct.
Haba iakren bad ki nongpathai khubor hynne ka sngi saitjaiñ, ha ka ophis treikam jong ka CPI(M) ha Guwahati, kane ka seng kaba don ha ka Liang Pyrshah kala kynnoh ba ka BJP ka pyrshang ban khring ia ki nongthep vote da kaba pynkhein ia ka Model Code of Conduct.
Ka CPI(M) kala phah notis sha u Bhavesh Kalita, uba long u President ka BJP Assam ban pan ia ka jingpynshai.
U President ka CPI (M) Assam u Suprakash Talukdar ula ong, “Ngi dawa ba ka Election Commission kadei ban pynshitom da kaba tyngeh pyrshah ia u Myntri Rangbah ka Assam.
Ha ka jingujor sha ka Election Commission, ka CPI(M) kala pynpaw ba u Myntri Rangbah u donkti ha katei ka kam bad kumta udei ban ngat ha ka jingshah pynshitom ia ka jingleh ka jong u”.
Ka jingsam ia ki Survey Form bad Data Collection ha ka por elekshon kam long kaba iahap bad kadei ka jingpynkheiñ ia ka Model Code of Conduct, ula pynpaw.
Ula kyntu ia ka Election Commission ban shimkhia mardor bad ban pynsangeh mardor ia katei ka kam.
 ha Guwahati, kane ka seng kaba don ha ka Liang Pyrshah kala kynnoh ba ka BJP ka pyrshang ban khring ia ki nongthep vote da kaba pynkhein ia ka Model Code of Conduct.){kind=link}