spot_img

Kynmaw burom ka Skul ia ka Iing u (L) Dr Friday Lyngdoh da u mot ha phyllaw skul

Date:

Share post:

Nongpoh, Nailar 20 : Ka Nongjri Presbyterian Secondary School, Ri-Bhoi, kala pynsah jingkynmaw ia ki jinglehbha jong ka Iing u (L) Dr Friday Lyngdoh, Myntri barim ka Sorkar Jylla, da kaba tei ia u mot sah jingkynmaw ha phyllaw jong ka Iingskul.

Kane ka jingtei mot ka long ban pynsah jingkynmaw ia ka jingleh bha jong ka Longiing i (L) Welingroy Jyrwa bad (L) Tbn Dr Friday Lyngdoh, kiba la ai sngewbha ia ka jaka ban tei ia ka Iingskul.

Ia une u mot sah jingkynmaw ba plie paidbah da u Myntri Rangbah barim ka Jylla Dr D.D Lapang ha ka jingialang kaba long hynne ka sngi Ba-ar, ha ka jingiadonlang u MLA/MDC ka Mawhati Bah Charles Marngar uba dei ruh u President ka School Managing Committee, Bah James Born Jana Chairman ka Nongjri Pyllun, ki Bahaiing hasem I (L) Welingroy bad (L) Tbn Dr Friday Lyngdoh bad kiwei kiwei.

Haba ai jingkren, u Dr. D. D Lapang, u la ai ka jingïaroh ïa ka long ïing jong i (L) Welingroy Jyrwa bad (L) Tbn. Dr. Friday Lyngdoh ba ki la long kiba kloi ban ai sngewbha ïaka jaka naka bynta ka jingmyntoi kaba khraw jong ki khynnah skul ka thain.

Ula ong ruh, ka jingshakri ia ki briew ka dei ruh ka jingshakri ia u Blei bad kane ka jing ai sngewbha daki trai ia ka jaka sha kane ka skul ka long ruh ka jingshakri kaba khraw naka bynta ka imlang ka sahlang ha kaba lyngba kane ka skul kin sa mih bujli ki riewkhraw ki ban sa bteng iaki kam kiba bha la kadei haka shakri paidbah lane ha ka kam shakri Blei.

U Dr. DD Lapang u la pynpaw ruh iaka jingsngew kmen halor ka jingnang kiew jong kane ka shlem na kawei kapor sha kawei pat ha ka ban ai iaka jinghikai kaba paka ia ki khynnah skul kiba wan wad jingnang jingstad.

Ula kyntu ruh iaki nonghikai lem bad ki nongpyniaid jong ka skul ba kin nang bteng ban shakri bha khnang ba kane ka skul kan nangkiew sha khmat ha ki kam pule puthi.

Share post:

spot_img
spot_img

Popular

More like this
Related

Kyntu ka MTDF ia ki national media ban don jingkitkhlieh haba pynmih khubor ia ka NE

Shillong Jymmang 30: Ka Meghalaya Tourism Development Forum (MTDF)...

Lum kyrkieh u CM ia ki DC ba jur ki jingpynjulor ka mariang | Bthah ban peitngor bad iarap kloi ia ki lanot

Shillong, Jymmang 30: Namar ka Jylla Meghalaya kala shah...

Pyntreikam ka Sorkar ia ka OMS ban tehlakam ia jingkiew dor ki marbam

Shillong, Jymmang 30 : U Myntri ka Tnad Food...

Creativity as humanity’s strength: Meghalaya minister encourages youth to embrace art

Shillong, May 30: Meghalaya’s Art and Culture Minister, Paul...