Nongpoh, Nailur 09 : Ka Ri-Bhoi College, ha ka sngi Nyngkong, kala kynmaw bad ai burom kyrpang ia u Principal ba nyng kong eh jong ka College Babu (L) R.I Marsharing, ha ka jingrakhe ia ka lyngkhuh snem kaba 40 ha ka jingiaid lynti kum ka shlem ban pynphriang ia ka jingnang jingstad hapoh ka District.
Ia kane ka jingrakhe la wan ban pynshongkun da u MLA ka Nongpoh bah Mayralborn Syiem kum u kongsan, ha ka jingiadonlang u Principal ka College E.C Benny, u Bah RR Makdoh, ki bahaiing hasem u Babu (L) R.I Marsharing, ki nonghikai bad ki samla pule ka College.
Haba ai jingkren, u Bah Mayral Born Syiem, u la ai khublei kyrpang ia kane ka shlem ai jingnang jingstad kaba la kynjoh ia u mawmer ba 40 snem ha ka jingshakri ban pynphriang ia ka pule puthi hapdeng ki samla pule ka district.
“Ym lah ban len ba ka jinglen lade bad ka jingtreishitom jong ki nonghikai, ki nongtrei bad baroh kiba don ka bynta kala nang kyntiew ia kane ka shlem na kawei ka snem sha kawei pat” ula ong.
U Bah Mayral ula kyntu ia baroh ki nongpyniaid ka College naduh ki nonghikai, ki nongkitkam bad kiwei kiwei ba kin nang bteng ban ai ia ka jingshakri kaba janai ban nang kyntiew ia ka pule ka puthi n aka bynta ka lawei ki samla pule ka district. Ula kular ruh ban iai don bynta lang ha kiba bun ki liang ban kyrshan ia kane ka shlem ai jingnang jingstad kaba rim hapoh Ri Bhoi District.
La pynphuh pynphieng ruh ia kane ka jingrakhe da ki jingrwai ki sur tynrai na ki samla pule.
 R.I Marsharing, ha ka jingrakhe ia ka lyngkhuh snem kaba 40 ha ka jingiaid lynti kum ka shlem ban pynphriang ia ka jingnang jingstad hapoh ka District.){kind=link}