Shillong, Nohprah 12 : Ka Jylla Meghalaya kala rakhe kynmaw burom ia ka lyngkhuh sngi iap ba 152 snem jong u khla wait ka Ri-lum Garo, Pa Togan Nengminja Sangma hynne ka sngi Palei.
Ia kane ka jingrakhe la pynlong ha Chisobibra kaba don majan ka Williamnagar bad la pynshongkun ia ka da u Myntri ka Tnad Soil & Water Resources Marcuise N Marak kum u kongsan bad u CEM ka GHADC Albinush R Marak kum u symbud shongknor.
Haba kren ha ka jingialang, u Marcuise ula ong ba u Pa Togan Nengminja ula noh synniang shi katdei eh halor ka jingioh laitluid ka Ri India na ka jingsynshar ka Bilat bad pyntip ba u dei u briew uba la ai mynsiem ia ki paid Garo ban im laitluid naduh ba synshar ki nongwei.
Kiwei kiba la kren ha ka jingialang ki kynthup ia u CEM ka GHADC Albinush R Marak, DyCEM ka GHADC Nikman ChM arak bad u President ka Pa Togan Nengminja Sangma Mahari Association (PTNSMA).
